NBT VOORBEREIDENDE PROGRAM
WAAROM NBT METAKOGNITIEWE VAARDIGHEDE KURSUS?
Voornemende studente wat vir die eerste keer inskryf by Suid-Afrikaanse Universiteite skryf NBT toetse (National Benchmark Tests). Derhalwe benodig studente aan Universiteite denkvaardighede wat aansienlik verskil van wat op skoolvlak benodig word. Hierdie kursus het ten doel om voornemende studente bloot te stel aan die soort vaardighede wat benodig word vir Universitêre studies.
Kontak altyd u voornemende Universiteit eerste oor hul spesifieke NBT-toetsperiodes. Die meeste universiteite stel hul eie datums en toetse op.
ALGEMENE INLIGTING: U kan onderstaande inligting vanuit die venster aflaai. Kliek op die skakel of die prent en stoor op jou rekenaar.
Gaan na die NBT Webtuiste om 'n toetsdatum te bespreek wanneer hulle open - dit sal die nuutste datums bevat.
Andersins, kontak jou voornemende Universiteit.
Sien die rooster vir die NBT-kursus.
MEER OOR NBT EN MEDIESE KEURING
NBT AANBIEDER
Ons Aanbieder vir NBT is ook ’n aanbieder van Alfa Wiskunde, Nasiener en Administrateur daarvan, en met jare onderwys ervaring, asook in bestuursposte binne die Department van Onderwys. Ons aanbieder het besondere vaardighede om met leerders te werk. Sy is ook 'n skrywer van Alfa Wiskunde handboeke. Alfa Wiskunde is bekend daarvoor dat dit leerders voorberei vir Universitêre Wiskunde.
KAN NBT VOORBEREIDEING JOU HELP VIR MEDIESE KEURING OF VIR ENIGE ANDER FAKULTEIT?
Tydens die pandemie bepaal Universiteite self of hul voortgaan met NBT toetsing. Kontak assseblief die onderskeie Universiteite. Leerders kan die NBT-voorbereidende program ook gebruik vir verrykende werk ter voorbereiding van metakognitiewe denkprosesse op Universiteit, maar dit kan ook help met skoolprestasies, veral Wiskunde.
Waar NBT toetsing gebruik word vir keuring, sal dit voordelig wees om Beeld se NBT-voorbereidende program te volg. Die aanbieders speel geen rol by keuringsprosesse nie.
Keuring vir MBChB is gebaseer op akademiese meriete (TPT), Graad 11 en 12 prestasies, die NBT en die Toegevoegdewaarde-vraelys, asook bykomende seleksie kriteria onder andere aangewese groepe. Daar is ’n OOP-kategorie en ’n AANGEWESE-kategorie vir die seleksie proses waarin kandidate meeding.
Vir toelating in 2021 was NBT nie by die Universiteit van Pretoria gebruik nie, asook ander Universiteite. NBT mag weer vereis word vir toelating vanaf 2022 en verder. Leerders wat tydens die aanvanklike MBChB-keuring uitgeval het, kan weer in aanmerking geneem word gedurende die midjaar keuring, maar daar is spesifieke vereistes. U sal merk dat daar spesifieke universitêre vakke vereis word, en ook ’n minimum TPT, en 'n minimum punt vir Wiskunde tydens die Nasionale Senior Sertifikaat eksamen. Sien die brosjure van UP soos onder aangeheg - kliek op die skakel. Ander Universiteite se vereistes sal verskil.
Ouers kan Beeldskool kontak wanneer leerders hulp benodig met vakke vir die midjaar seleksie proses.
U moet gaan kyk na elke universiteit se onderskeie toelatingsvereistes tot hul mediese fakulteite, asook ander fakulteite volgens leerders se keuse van studierigting. Deur dit nou al te doen, het leerders ’n doelgerigte doelwit. Leerders moet hul Universiteite kontak vir datums wanneer NBT geskryf word, indien wel. Leerder wat medies wil studeer moet Beeldskool se NBT voorbereidende klasse vroeër in die jaar bywoon.
